काठमाडौँ । ‘सबल बैंक, सफल सहकार्य’को नाराका साथ विगत २८ वर्षदेखि सञ्चालन भएको महालक्ष्मी विकास बैंकले नयाँ मुद्दती योजना ल्याएको छ । बैंकले नेपाली नागरिकलाई लक्षित गरी ‘महालक्ष्मी व्रmमिक बचत खाता’ सार्वजनिक गरेको हो ।

जेष्ठ महिनालाई वार्षिकोत्सव महिनाको रुपमा मनाउन लागेको बैंकले आफ्नो २८ औँ वार्षिकोत्सवको अवसरमा उक्त बचत खाता सार्वजनिक गरेको हो । बैंकले हजार रुपैयाँमा मुद्दती खाता खोल्न सकिने ‘महालक्ष्मी व्रmमिक बचत खाता’मा दैनिक मौज्दातमा १२ प्रतिशत ब्याज गणना गरी उक्त ब्याज त्रैमासिक रूपमा सँवामा गाभिने छ ।

यस योजनाअन्तर्गत खाता खोलेका ग्राहकहरूले पाँच वर्षसम्म जुनसुकै समयमा यस खातामा रकम जम्मा गर्न सक्ने छन् । बैंकमा जुनसुकै बचत खाता खोलेका ग्राहकले मुद्दती खाता योजनाअन्तर्गत बचत खाता खोल्न सक्ने छन् ।

यस हाल १०३ वटा शाखामार्फत वित्तीय सेवा दिँदै आएको छ । बैंकले ग्राहकको वैदेशिक यात्राका क्रममा कारोबार थप सुरक्षित बनाउने उद्देश्यले विभिन्न सेवा दिँदै आएको छ ।