काठमाडौँ । नेपाल इञ्जिनियरिङ कलेज भक्तपुरको अनियमितता गरी ५० करोड रुपैयाँभन्दा बढी रकम ठगी गरेको आरोपित लम्बोदर न्यौपानेसहित ६ जनालाई सफाइ दिएको छ । न्यौपानेसहित ६ जनालाई भक्तपुर जिल्ला अदालतले सफाइ दिएको हो ।

सामाजिक संस्थाका रूपमा दर्ता भएको कलेजको स्थापना कालदेखि हालसम्म न्यौपानेले मात्रै ३३ करोड ७५ लाख १७ हजार ६४६ रुपैयाँ ठगी गरेको भन्दै असुल उपर गराउन मुद्दामा मागदाबी गरिएको थियो ।

त्यस्तै, प्रतिवादीहरू रामरत्न उपाध्यायबाट ४ करोड ७० लाख, लवराज भट्टराईबाट ६ करोड ३४ लाख, उपेन्द्र गौतमबाट ५ करोड ६९ लाख, रामकुमार श्रेष्ठबाट २८ लाख ६४ हजारसमेत असुल उपर गराउने माग दाबी थियो ।

भक्तपुर जिल्ला अदालतका न्यायाधीश उमेश कोइरालाको एकल इजलासले अन्तिम आदेश दिँदै दाबी नपुग्ने ठहर गरी सफाइ दिएको हो ।