काठमाडौँ । नेपाली सेनाले अमेरिकासँग स्टेट पार्टनरसिप प्रोग्राम (एसपीपी)मा सहभागी हुन पठाएको पत्र सार्वजनिक भएको छ ।

नेपाली सेनाले बिहीबार मात्र विज्ञप्ति जारी गरी यस्तो कुनै सम्झौता र समझदारी नगरेको दाबी गरेको थियो ।

तर, आज तत्कालीन प्रधानसेनापति राजेन्द्र क्षत्रीले अमेरिकी राजदूतलाई पत्र पठाएको सार्वजनिक भएको हो ।

सन् २०१५ को अक्टोबर २७ अर्थात २०७२ को कात्तिक १० मा नेपाली सेनाका नेपालस्थित अमेरिकी राजदूत अलाइना बी टेप्लिजलाई सम्बोधन गर्दै पत्राचार गरेको खुलासा भएको हो । तत्कालीन समयमा देशको प्रधानमन्त्री केपी शर्मा ओली रहेका थिए ।