काभ्रेपलाञ्चोक । जिल्लाको भुम्लु गाउँपालिका १० चाखोलामा बा ४ ख ४८८८ नम्बरको आइचर गाडी र प्रदेश ३-०२-००८ प ६४२४ नम्बरको मोटरसाइकल ठोक्किँदा एक जनाको मृत्यु भएको छ ।

शुक्रबार दिउँसो भएको दुर्घटनामा मृत्यु हुनेमा मोटरसाइकल चालक भक्तपुर ठिमी नगरपालिका बस्ने २५ वर्षीय मनिष खड्का रहेका छन् ।

दुर्घटनामा गम्भीर घाइते भएका उनको धुलिखेल अस्पतालमा उपचारको क्रममा मृत्यु भएको प्रहरीले जनाएको छ । आइचर गाडीका चालकलाई प्रहरीले नियन्त्रणमा लिएको छ ।