काठमाडौं । नेकपा (एकीकृत समाजवादी) का अध्यक्ष माधवकुमार नेपालले आफूहरु जहिले पनि वाम एकताका बारेमा सकारात्मक रहेको बताएका छन् ।

आइतबार काठमाडौंमा समाजवादी प्रेस संगठनको आयोजनामा भएको सम्पादकहरूसँग भएको छलफलमा प्रश्नको जवाफ दिँदै अध्यक्ष नेपालले मूल उद्धेश्यका लागि एकतावद्ध भएर जान आफूहरूलाई आपत्ती नभएको बताएका हुन् ।

‘वा एकतामा हामी जहिले पनि पोजेटिभ छौ । तर कुन वाम एकता ?, उनले भने,‘ विचारमा मिलेर जानसक्ने अवस्थामा मूल उद्धेश्यका लागि एकतावद्ध भएर जान सक्ने हो भने हामी तयार छौ ।’