काठमाडौं । सरकारमा रहेको नेकपा एकीकृत समाजवादीले गत स्थानीय तह निर्वाचनमा पार्टीको तर्फबाट निर्वाचित भएका जनप्रतिनिधिहरुलाई प्रशिक्षण तथा अभिमुखीकरण तालिम दिने भएको छ । आज देखि दुई दिनसम्म निर्वाचन जनप्रतिनिधीलाई त्यस्तो तालिम दिन लागिएको नेकपा एकीकृत समाजवादीका प्रचार विभाग प्रमुख तथा प्रवक्ता जगन्नाथ खतिवडाले जानकारी दिए ।

आज बिहान ११ बजेदेखि काठमाडौंको थापागाउँस्थित अर्पण व्याङक्वेट बानेश्वरमा अध्यक्ष माधव नेपालले प्रशिक्षण कार्यक्रमको उद्घाटन गर्नेछन् । प्रशिक्षणमा पालिका प्रमुख तथा उपप्रमुखहरु सहभागी हुनेछन् ।

जनप्रतिनिधिहरुलाई वर्तमान राजनीतिक परिस्थितिका साथै स्थानीय तहका अधिकार, कार्यक्षेत्र, जनप्रतिनिधि र पार्टीबीचको सम्बन्धलगायतका विषयमा प्रशिक्षण दिइने प्रवक्ता जग्ननाथ खतिवडाले बताए ।