काठमाडौँ । नेकपा एकीकृत समाजवादीका नेता झलनाथ खनालले एसपीपीबारे सरकारले अमेरिकालाई पत्र नलेखेको भन्दै आपत्ति जनाएका छन् ।

बिहीबार प्रतिनिधिसभामा बोल्दै उनले देशको कार्यकारी अधिकार कहाँ कोसँग् छ भनेर प्रश्नसमेत गरेका थिए । उनले एसपीपी सम्झौता नगर्ने भनेर मन्त्रिपरिषद्ले एक महिनाअगाडि निर्णय गरे पनि अहिलेसम्म पत्र नलेखेको भन्दै आपत्ति जनाएका हुन् ।

‘एसपीपी लिन्नौँ भनेर तुरुन्तै पत्र लेख्ने भनेको सरकारले अहिलेसम्म पनि लेख्न नसक्नुको कारण के हो ? कार्यकारी अधिकार भएको क्याबिनेटले निर्णय गरिसकेपछि फेरि अरु कसले रोक्न सक्छ ?’ उनले भने, ‘कि हाम्रो देशको क्याबिनेटभन्दा बाहिर कता छ कार्यकारी अधिकार ?’