काठमाडौँ । सभामुख अग्निप्रसाद सापकोटाले अमेरिकी स्टेट पार्टनरसिप प्रोग्राम (एसपीपी)बारे जानकारी गराउन रुलिङ गरेका छन् । उनले मन्त्रिपरिषद्ले गरेका निर्णय र त्यसको कार्यान्वयनबारे संसद्‌लाई जानकारी दिन रुलिङ गरेका हुन् ।

सत्तारुढ दलकै सांसद र प्रमुख प्रतिपक्षका सांसदले एसपीपीबारे संसद्‌मा बहस गरेसँगै सभामुखले सरकारलाई रुलिङ गरेका हुन् । प्रतिनिधिसभाको बिहीबारको बैठकमा सभामुख सापकोटाले मन्त्रिपरिषद्ले गरेका निर्णय र कार्यान्वयनको अवस्थाबारे संसद्‌लाई जानकारी हुनु पर्ने भन्दै रुलिङ गरेका हुन् ।

एसपीपी सम्झौता कार्यान्वयन नगर्नेबारे मन्त्रिपरिषद्ले निर्णय गरेको भन्दै सांसदहरूले सभामुखबाट रुलिङ हुनु पर्ने माग गर्दै आएका थिए ।