काठमाडौँ । सर्लाही जिल्लाको विष्णु गाउँपालिका १ बाराबाट सशस्त्र प्रहरीले श्रोत नखुलेको १७ लाख ८२ हजार ५ सय नेपाली रुपैयाँसहित एक जनालाई पक्राउ गरेको छ । पक्राउ पर्नेमा सोही जिल्लाको बाग्मती नगरपालिका १० बस्ने २३ वर्षीय सुमन बिक रहेका छन् ।

प्रदेश ०२-००३-००६ प ३४५१ नम्बरको मोटरसाइकलमा भारतबाट नेपालतर्फ आउँदै गरेका बिकलाई सशस्त्र प्रहरी बल नेपाल बिओपी बाराबाट खटिएको सशस्त्र प्रहरीले जाँच गर्दा श्रोत नखुलेको रकमसहित उनलाई पक्राउ गरिएको हो ।

त्यसबेला उनको साथबाट पाँच ग्राम २७० मिलिग्राम ब्राउन सुगर, चाँदीको ब्रास्लेट १ थान, चाँदीको औंठी १ थान, मोबाइल सेट ३ वटा बरामद गरिएको छ ।