काठमाडौँ । डीेएचआई इलेक्ट्रोनिक्स प्रा.लि.ले नेपाली उपभोक्ताको माग तथा आवश्यकतालाई मध्य नजर गर्दै आफ्नो ब्राण्डहरू सार्वजनिक गरेको छ । एक कार्यक्रमबीच आइतबार कम्पनीले आफ्नो ब्राण्डका सामानहरू सार्वजनिक गरेको हो ।

कार्यक्रममा डीएचआई ब्राण्डका विभिन्न उत्पादन प्रदर्शन गरिएको थियो । जसमा टेलिभिजन, वाशिङ मेसिन, रेफ्रिजरेटर, इन्डक्सन चुलो, राइस कुकर, एयर कुलर, किचन चिम्नी, भ्याकुम क्लिनरलगायतका उपकरणहरू थिए ।

कम्पनीका उपकरणले भान्सा र घरमा ग्राहकहरूलाई सहजता र चुस्तता प्रदान गर्ने दाबी गरेको छ । यसका नयाँ उत्पादनले प्रतिस्पर्धात्मक वातावरण सिर्जना गरी बजारको मागलाई सम्बोधन गर्न मद्दत गर्ने छ ।

डीएचआईका प्रमुख कार्यकारी अधिकृत केशवकान्त पौडेल भने, ‘डीएचआई होम एप्लायन्सका नवीनतम प्रविधि र उत्कृष्ट गुणस्तरका उत्पादन बजारमा उपलब्ध छन्, जुन निकै सुविधाजनक, भरपर्दा र तुलनात्मक रुपमा प्रतिस्पर्धी मूल्यमा उपलब्ध छन्, हाम्रा ग्राहकको मन जितिरहेका छौँ ।’

डीएचआई इलेक्ट्रोनिक्स नेपालकै एक विश्वसनीय संस्था शहोमको भगिनी संस्था भएकाले उत्पादन र सेवा वितरणमा उत्कृष्टता प्रदान गर्ने छ ।