काठमाडौँ । खल्तीले आफ्ना प्रयोगकर्ताका लागि ५२ दिन (जेठ १२,२०७९ देखि असार ३२,२०७९ सम्म) आयोजना गरेको ५२ दिनको ‘द बिगेस्ट पेमेन्ट जात्रा’ अफरमा सफलतापूर्वक सम्पन्न भएको छ । यस अवसरमा पाँच लाखभन्दा बढी ग्राहकले एक करोडभन्दा बढीको कारोबार गरेका थिए ।

डिजिटल भुक्तानीप्रति आकर्षित गर्ने उद्देश्यका साथ खल्तीले आफ्ना प्रयोगकर्तालाई विभिन्न आकर्षक अफरहरू प्रदान गर्दै आएको छ । यो अफरमा खल्ती प्रयोगकर्ताले सहभागिता जनाई क्यस्ब्याक तथा थुप्रै उपहारका लिएका थिए ।

अफरको आकर्षक केन्द्रबिन्दुको रूपमा रहेको ‘बजाज पल्सर एनएस १६० एबीएस’ लक्की ड्रमार्फत तीन जना विजेता बनेका थिए । यस्तै, अफरमा सहभागिता जनाउने ७६ भाग्यशाली प्रयोगकर्ताले पुरस्कार स्वरूप समग्रमा ७ वटा इलभ एगिकको ४३ इञ्चको स्मार्ट टी.भी, १४ वटा स्मार्ट फोन, ५२ वटा फ्लाइट टिकट १ रुपैयाँमै, ५२ वटा स्मार्टब्याण्ड पाएका थिए ।

खल्तीले बिजेता छनौट प्रकृयालाई पारदर्शी बनाउन हरेक हप्ता फेसबुक लाइभमार्फत विजेता घोषणा गर्दै आएको थियो । सातौँ हप्ताको लाइभमा खल्तीका प्रमुख कार्यकारी अधिकृत बिनय खड्काको उपस्थितिमा ‘द बिगेस्ट पेमेन्ट जात्रा’मा प्रत्यक्ष अप्रत्यक्ष रूपमा सहभागीता जनाउने सबैप्रति कृतज्ञता प्रदान गरेका थिए ।