काठमाडौँ । जापानी सहरका बासिन्दालाई हप्ता दिनसम्म आतंकित गर्ने बाँदरको गिरोहमध्येको एउटालाई पक्राउ गरी मारिएको अधिकारीले बताएका छन् । उक्त भाले बाँदरलाई मंगलबार साँझ उच्च विद्यालयको मैदानमा विशेष कमिसनका शिकारीले फेला पारेका थिए ।

सुरुमा यसलाई बेहोस पारिएको थियो । त्यसपछि उक्त बाँदरलाई मारिएको थियो । मकाकले झण्डै ५० जनालाई घाइते बनाएका छन् । करिब ३ साताअघि वयस्क र बालबालिकामाथि आक्रमण सुरु भएदेखि अधिकारीले बाँदरको शिकार गरिरहेका छन् ।

बाँदरले हल्का चिर्तोनेदेखि टोक्नेसम्म गरेका छन् । आक्रमणकारी बाँदरका अन्य सदस्यको खोजी जारी रहेको अधिकारीहरूले बताएका छन् । आक्रमणकारी अन्य बाँदरको पनि खोजी भइरहेको प्राप्त विवरणमा जनाइएको छ ।

‘प्रत्यक्षदर्शीले विभिन्न आकारका बाँदरले हमला गरेको बताएका छन् । नयाँ आक्रमणको रिपोर्टहरू पाइरहेका छौँ,’ कृषि मन्त्रालयका एक अधिकारीको भनाइ उदृत गर्दै एएफपीले जनाएको छ ।

सुरुमा केटाकेटी र महिलालाई मात्र आक्रमण हुने गरेकोमा बाँदरले पछिल्ला दिनमा वृद्ध र वयस्क पुरुषलाई पनि निशाना बनाएको प्राप्त विवरणमा जनाइएको छ ।