काठमाडौँ । नेकपा एमालेका अध्यक्ष केपी शर्मा ओलीले लिम्पियाधुरा, लिपुलेक र कालापानीको भूभागलाई नेपाली नक्सामा ल्याएसँगै प्रधानमन्त्रीबाट हट्नु परेको बताएका छन् । काठमाडौँमा आयोजित पूर्वसचिव द्वारिकानाथ ढुंगेलद्वारा लिखित ‘चक्रब्यूहमा नेपाली जलस्रोत’ शीर्षकको पुस्तक विमोचनमा उनले यस्तो बताएका हुन् ।

‘नेपालको नक्साबाट त्यो भूभाग हटाइएको रहेछ, त्यसलाई सामेल गरेर नक्सा ल्याएपछि त्यतिबेला मलाई थाहा थियो यहाँ ठूलै उपद्रो मच्चिनेवाला छ,’ उनले भने, ‘म प्रधानमन्त्रीबाट हट्नु पर्ने छ, नभन्दै हट्नु पर्‍यो पनि ।’

सुगौली सन्धिले महाकाली नदीलाई सिमाना मानेपछि लिम्पियाधुरा, लिपुलेक र कालापानी नेपाली भूभाग भएकोमा विवाद नरहेको ओलीले जिकिर गरे ।

अन्तमा उनले भने, ‘प्रधानमन्त्रीबाट हटेकोमा पीर होइन, देश कता जाँदैछ ? त्यसमा पीर लागेको छ ।’