चितवन । नारायणगढ–मुग्लिन सडक खण्डमा पुनः पहिरो जाँदा सयौं सवारी साधान रोकिन पुगेको छ । भरतपुर महानगर २९ मौरीखोला पुलमा मंगलबार राति पुनः पहिरो खसेपछि पूर्व–पश्चिमतर्फ लागेका सयौँ सवारी साधान रोकिको हो ।

पहिरो स्थललगायत आसापासमा रहेका प्रहरीले बस्ती भएको ठाउँमा सवारी साधान पार्किङ गर्न अनुरोध गरेको छ । यात्रुलाई खानपिनलगायत समस्या नहोस् भनेर प्रहरीले सवारी चालकलगायतसँग अनुरोध गरेको हो । जिल्ला प्रहरी कार्यालय चितवनका प्रवक्ता डीएसपी नरहरि अधिकारीका अनुसार बुधबार राति साढे २ बजेतिर मौरी खोला पुलमा पहिरो गएकाले पन्छाउने कार्य भइरहेको छ ।

उनका अनुसार सोमबार राति ११ बजे पनि पहिरो खसेपछि २३ घण्टामा सवारी खुलाइएको थियो । तर, लगत्तै बुधबार राति सोही ठाउँमा पहिरो गएका कारण सयौं सवारी साधान रोकिन पुगेका छन् । बुधवार राति खसेको पहिरोले भारतीय नम्बर प्लेटको एउटा मिनी ट्रकमा सामान्य क्षति पुगेको छ ।