कास्की । जिल्लाको पोखरा महानगर ८ सभागृह चोकमा आज बसको ठक्करबाट एक वृद्धाको मृत्यु भएको छ । मृत्यु हुनेमा म्याग्दीको अन्नपूर्ण गाउँपालिका–५ घर भई हाल पोखरा लेकसाइड बस्ने ७५ वर्षीया सुनमाया तिलिजा रहेकी छन् ।

गम्भीर घाइते भएकी बृद्धाको उपचारको क्रममा गण्डकी मेडिकल कलेजमा मृत्यु भएको हो । पोखराबाट दमौलीतर्फ जाँदै गरेको ग १ ख ३८२५ नम्बरको बसले बाटो क्रस गर्दै गरेकी वृद्धालाई आज बिहान साढे ७ बजे ठक्कर दिएको थियो ।

बससहित चालकलाई वडा प्रहरी कार्यालय बैदामले नियन्त्रणमा लिएको छ ।