काठमाडौं । काठमाडौंमा रहेका एक चिनियाँ नागरिक अपहरणमा परेका छन् । काठमाडौंबाट ती चिनियाँ नागरिक बुधबार साँझ अपहरित भएका छन् । अपहरणकारीले एक करोड फिरौती माग गदै चिनियाँ नागरिकलाई अपहरण गरेको खुलेको छ ।

अपहरणमा संलग्न ६ जनालाई जिल्ला प्रहरी परिसर, काठमाडौं र प्रहरी वृत्त दरबारमार्गको संयुक्त टोलीले पक्राउ गरिसकेको छ ।

काठमाडौं प्रहरी प्रमुख एसएसपी भरतबहादुर बोहोराका अनुसार, चिनियाँलाई अपहरण गरेर नयाँ बसपार्कमा लगेको अभियोगमा उनीहरुलाई पक्राउ गरिएको हो । पक्राउ पर्नेहरुका बारेमा प्रहरीले थप केही बताएको छैन । यधपी पक्राउ पर्ने सबै नेपाली हुन् । उनीहरुलाई अनुसन्धानका लागि प्रहरीले म्याद थपको तयारी थालेको छ । म्याद थप गरिसकेपछि प्रहरीले यस विषयमा पत्रकार सम्मेलन गरेर जानकारी दिने बताएको छ ।