काठमाडौं । नेकपा (माओवादी केन्द्र)का अध्यक्ष पुष्पकमल दहाल प्रचण्ड जापान भ्रमणमा निस्केका छन् । उनी गएराती साँढे १० बजे जापान प्रस्थान गरेका थिए ।

उनको यो भ्रमण साउन २१ देखि २५ गतेसम्मको लागि हो । जापानको टोकियोस्थित नारिता अन्तर्राष्ट्रिय विमानस्थलमा अवतरण गरेका प्रचण्डलाई जापानका लागि नेपाली राजदूत दुर्गाबहादुर सुवेदीले स्वागत गरेका छन् ।

नेपाली जनप्रगतिशिल मन्च जापानको निमन्त्रणामा प्रचण्ड जापानमा आयोजित विभिन्न कार्यक्रममा सहभागी हुनेछन् । राष्ट्रिय ध्वजाबाहक नेपाल एयरलाइन्सको विमानमार्फत जापानका लागि प्रस्थान गरेका प्रचण्डले आज अगस्ट ६ मा जापानको Fukuoka मा आयोजना हुने नेपाल फेष्टिबल सेरोमोनीको समुदघाटन गर्ने उनको सचिवालयले जनाएको छ ।

आज अगस्ट ६ मा हिरोसिमा घटना भएको ७५ बर्ष पूरा हुन्छ। भोलि अगस्ट ७ मा प्रचण्डले हिरोसिमा भ्रमण गर्नेछन् । सोही दिन नेपाली जनप्रगतिशिल मन्च जापानको आयोजनामा त्यपथय मा हुने नेपाली समुदायहरुबिच ‘समृद्ध नेपालको आधारस् आर्थिक क्रान्तिमा प्रवासी नेपालीको सरोकार’ विषयको खुला कार्यक्रममा प्रचण्ड प्रमुख अतिथिको रुपमा सहभागी हुनेछन् ।

जापानमा रहदा प्रचण्डले जापानको सत्तारुढ दल लिवरल डेमोक्रेटिक पार्टीका नेताहरूसँग भेटवार्ता गर्ने पनि कार्यक्रम रहेको उनको सचिवालयले जनाएको छ ।