काठमाडौँ । अखिल नेपाल फुटबल संघ (एन्फा)ले प्रमुख प्रशिक्षक अब्दुलाह अलमुताइरीको सूचीलाई खारेज गर्दै ४० खेलाडीलाई राष्ट्रिय टिमको प्रशिक्षणमा बोलाएको छ । असोज ११ गते दशरथ रंगशालामा हुने बंगलादेशसँगको मैत्रिपूर्ण खेलका लागि अल्मुताइरीले २६ जना खेलाडीको सूची एन्फामा पठाएका थिए ।

त्यो सूची खारेज गर्दै एन्फाले कार्यवाहक प्रमुख प्रशिक्षक प्रदीप हुमागाईंको सिफारिसमा ४० जना खेलाडीलाई प्रशिक्षणमा बोलाएको हो । प्रशिक्षणमा अलमुताइरीसँग विवाद भई टिमबाट बाहिरिएका १० मध्येका ९ जना खेलाडीसमेत परेका छन् ।

प्रशिक्षकसँगको विवादपछि किरणकुमार लिम्बु, सुजल श्रेष्ठ, रोहित चन्द, अनन्त तामाङ, अञ्जन विष्ट, तेज तामाङ, सुमन लामा, विशाल राई, विमल घर्तीमगर, विशाल श्रेष्ठ टिमबाट बाहिरिएका थिए ।

अलमुताइरी बिरामी बिदामा रहेकाले एन्फाले हुमागाईंलाई कार्यवाहक प्रमुख प्रशिक्षक नियुक्त गरेको थियो ।

टोलीमा बोलाइएका खेलाडीहरू

गोलरक्षक : किरण चेम्जोङ, विकेश कुथु, दीप कार्की, विशाल श्रेष्ठ

डिफेण्डर : अनन्त तामाङ, रोहित चन्द, विकास तामाङ, देवेन्द्र तामाङ, दिनेश राजवंशी, विकास खवास, गौतम श्रेष्ठ, छिरिङ गुरुङ, सुमन अर्याल, निशान खड्का, अमित तामाङ

मिडफिल्डर : सञ्जोग राई, पुजन उपरकोटी, राजन गुरुङ, एरिक विष्ट, सेसेहाङ आङदाम्बे, सुदिप गुरुङ, सुरज ज्यु ठकुरी, सुवास गुरुङ, आवास लामीछाने, सुनिल बल, आयुष घलान्, सुजल श्रेष्ठ, अञ्जन विष्ट,

फरवार्ड : विमल घर्ती मगर, नवयुग श्रेष्ठ, आषिश चौधरी, रितिक खड्का, जर्ज प्रिन्स कार्की, आषिश चापागाईँ, अविशेष रिजाल र भरत खवास ।