आइतबार, फागुन ३, २०८२

अमेरिकी प्रतिनिधि मण्डल ताइवान भ्रमणमा

मेरोन्यूज २०७९ साउन २९ गते २०:१५

काठमाडौँ । अमेरिकी सभामुख न्यान्सी पेलोसीको भ्रमणले सिर्जना गरेको चीन अमेरिका तनाव सेलाउन नपाउँदै अमेरिकी सांसदहरूको नयाँ प्रतिनिधि मण्डल ताइवानको भ्रमणमा आएको छ ।

Advertisement
nepal life insurencenepal life insurence

पेलोसीको भ्रमणपछि चीनले ताइवान स्ट्रेटमा ठूलो सैन्य अभ्यास सुरु गरेको थियो यसको दुई साता नबित्दै अमेरिकी सांसदको नयाँ प्रतिनिधि मण्डलले ताइवानको भ्रमणमा आएको हो । अमेरिकी सांसदको पछिल्लो भ्रमणको नेतृत्व म्यासाचुसेट्सका सिनेटर मार्कीले गर्ने भएका छन् ।

प्रतिनिधि मण्डलले ताइवानका वरिष्ठ नेतासँग अमेरिका ताइवान सम्बन्ध, क्षेत्रीय सुरक्षा, व्यापार र लगानी, विश्वव्यापी आपूर्ति शृङ्खला, जलवायु परिवर्तन र पारस्परिकहितका अन्य महत्वपूर्ण विषयमा छलफल गर्ने बताइएको छ ।

चीनको निरन्तर सैन्य चेतावनीबीच ताइवानले आइतबार नियममा आधारित अन्तर्राष्ट्रिय व्यवस्थाको संयुक्त रूपमा संरक्षण गर्न र ताइवान स्ट्रेटमा सुरक्षाको रक्षा गर्न भारतलगायत सबै समान विचार भएका राष्ट्रसँग घनिष्ठ समन्वय कायम राख्दै आफ्नो आत्मरक्षा क्षमतालाई निरन्तर बढाउने बताएको छ ।

प्रतिक्रिया