काठमाडौँ । जनकपुरमा प्रहरी र स्थानीय व्यापारीबीच झडप भएको छ । ठेला हटाउने विषयमा विवाद हुँदा जनकपुरधामको जानकी चोकमा नगर प्रहरी र व्यापारीबीच झडप भएको हो ।

श्रीकृष्ण जन्माष्टमीको अवसरमा फुटपाथ व्यापारीले ठेला लगाएका थिए । उक्त ठेला हटाउन नगर प्रहरीले बल प्रयोग गरेको भन्दै व्यापारी विरोधमा उत्रिएका थिए ।

नगर प्रहरीले अन्धाधुन्ध लाठी हान्न थालेपछि व्यापारीहरू घाइते भएका छन् । झडपमा नेपाल प्रहरीले ९ जनालाई पक्राउ गरी जिल्ला प्रहरी कार्यालय लगेको छ ।