काठमाडौँ । नेपाली कांग्रेसका नेता तथा सांसद प्रदीप गिरिको स्वास्थ्य अवस्था थप गम्भीर बनेको छ । ललितपुरको मेडिसिटी अस्पतालमा उपचाररत उनलाई बिहीबारदेखि नन् इन्भेसिभ भेन्टिलेटर (एनआईभी)मा राखेर उपचार भइरहेको छ ।

‘आदरणीय मेरा अग्रजभ्राता तुल्य मित्र, समाजवादी, गान्धीवादी, विचारक, योद्धा, नेपाली कांग्रेसका नेता प्रदिप गिरिलाई मेडिसिटीमा दोस्रोपटक हेरेर बाटोमा फर्कदै छु,’ कांग्रेस नेता विमलेन्द्र निधिले भने ।

नेता निधिले ईश्वरीय चमत्कारका लागि प्रार्थना गरेको बताएका छन् । उनले भने, ‘स्तब्ध र निरिह छु, ईश्वरीय चमत्कारको लागि प्रार्थना गर्दछु–सबैले प्रार्थना गरौँ ।’

उनले भारतको मुम्बईमा घाँटीको क्यान्सरको उपचार गराएर नेपाल फर्किएका थिए । पछिल्लो समय मेडिसिटीमा उनको उपचार हुँदै आएको छ ।