काठमाडौँ । साताको दोस्रो कारोबार दिन आज नेप्से परिसूचक सामान्य अंकले ओरालो लागेको छ । सोमबार नेप्से परिसूचक ७.४१ अंक घटेर २०५३.१३ बिन्दुमा झरेको हो ।

त्यस्तै, सेन्सेटिभ इण्डेक्स १.४७ अंक, फ्लोट इण्डेक्स ०.५१ अंक र सेन्सेटिभ फ्लोट इण्डेक्स ०.५६ अंक घटेको छ । आज कारोबारमा आएका २२२ कम्पनीको ५२ लाख ३० हजार कित्ता शेयर किनबेच भएको थियो ।

जसमा एक अर्ब ७२ करोड ६२ लाख रुपैयाँ बराबरको खरिद बिक्री भएको छ । सोमबार नेप्सेसँगै कारोबार रकमसमेत गिरावट आएको हो । आइतबार दुई अर्ब चार करोड ७० लाख ९३ हजार रुपैयाँ बराबरको कारोबार भएको थियो ।

आज नेप्सेका १३ उपसमूहमध्ये म्युचुअल फण्ड उपसमूहको परिसूचकबाहेक सबै उपसमूहको परिसूचक नकारात्मक देखिएको छ । जसमा म्युचुअल फण्ड उपसमूहको परिसूचक ०.२० प्रतिशत बढेको छ ।