काठमाडौँ । लोक सेवा आयोगले रोकिएका सबै परीक्षा सञ्चालन गर्ने भएको छ । आयोगले परीक्षा दिनेहरूलाई तयारी गर्नसमेत आग्रह गरेको छ ।

आयोगले बुधबार एक विज्ञप्तिमार्फत कर्मचारी समायोजनसम्बन्धी रिटमा सर्वोच्च अदालतको अन्तिम फैसला आएसँगै स्थगित सबै परीक्षा तथा नतिजा सार्वजनिक गर्ने जनाएको हो ।

अदालतको फैसलामा पदपूर्तिसम्बन्धी काम, कारबाही अघि बढाउन मिल्ने गरी आदेश भएका विज्ञापनका परीक्षा कार्यक्रम १५ दिनको सूचना दिएर अघि बढाइने विज्ञप्तिमा जनाइएको छ ।