काठमाडौँ । आफूलाई ‘कुमारी आमा’ भन्दै न्यायका लागि संघर्ष गरिरहेकी निहारिका राजपुतलाई मधेस प्रदेश सरकारले पाँच लाख रुपैयाँ सहयोग गर्ने भएको छ ।

प्रदेश सरकारको मन्त्रिपरिषद्‌को निर्णयबाट राजपुतलाई कानूनी लडाईं गर्न पाँच लाख रुपैयाँ सहयोग गर्ने भएको हो । राजपुतलाई आर्थिक सहयोग गर्नका लागि मधेस प्रदेशका मुख्य न्यायाधिवक्ता दीपेन्द्र झाले सिफारिस गरेका थिए ।

उनले आफू बलात्कारमा परेको र सोही कारण बच्चा जन्मिएको भन्दै आएकी छन् । केही दिनअघि मात्रै उच्च अदालत धनुषाले आरोपी र बच्चाको डीएनए परीक्षण गर्न आदेश जारी गरेको छ ।