काठमाडौं । काठमाडौं महानगरपालिकाले रत्नपार्कस्थित सव-वे मा बनेको अनधिकृत संरचना भत्काएको छ ।

सव-वे जाने बाटोमा बनाइएका अनधिकृत संरचना भत्काउन थालिएको काठमाडौं महानगरपालिकाका नगर प्रहरीले जनाएको छ ।

नगरप्रहरीका अनुसार त्यहाँ केही संरचनाहरू अनधिकृत रूपमा बनाइएका छन् । अहिले नगर प्रहरी टोलीले तीन वटा सटरहरू भत्काउँदै छन् । यस्तै सव-वेमा पहिले नै भएका सात वटा सटरहरू भने महानगरले भत्काउने छैन ।