काठमाडौँ । निर्वाचन आयोगले निर्वाचन आचार संहिता जारी गरेको छ । आगामी मंसिर ४ गते हुने संघ र प्रदेशसभा निर्वाचनका लागि आयोगले आचार संहिता तयार गरी राजपत्रमा जारी गरेको हो ।

आयोगले केन्द्रमा निर्वाचन आयुक्तको नेतृत्वमा केन्द्रीय आचार संहिता अनुगमन समिति र हरेक जिल्लामा जिल्ला आचारसंहिता अनुगमन समिति गठनको प्रस्ताव गरेको हो ।

निर्वाचन आयोगका साथै प्रधानमन्त्री तथा मन्त्रिपरिषद कार्यालय, कानून, गृह र सञ्चार मन्त्रालयका सचिव स्वतः अनुगमन समितिमा रहने व्यवस्था छ ।