काठमाडौँ । सरकारले महँगा सामान आयातमा आगामी असोज २८ गतेसम्म प्रतिबन्ध गर्ने निर्णय गरेको छ । सरकारले गाडी, मोबाइल, मदिरा र मोटरसाइकलजस्ता सामान आयात प्रतिबन्ध असोज २८ गतेसम्म लम्बाएको हो ।

सरकारले १३ वैशाखमा राजपत्रमा सूचना निकालेर विभिन्न १० वस्तुको आयातमा प्रतिबन्ध गरेको थियो । प्रतिबन्ध लगाएकामध्ये ६ वटा वस्तुको आयात प्रतिबन्ध हटाउँदै ४ वटा वस्तुमा भने प्रतिबन्ध कामय राखेको हो ।

उद्योग, वााणिज्य तथा आपूर्ति मन्त्रालयको सिफारिसमा सोमबार बसेको मन्त्रिपरिषद् बैठकले जंक फुड, सुर्तीजन्य वस्तु, हिरा, रंगिन टेलिभिजन (३२ इञ्चभन्दा माथि), सबै प्रकारका खेलौना र तासको आयातको प्रतिबन्ध भने हटाएको छ ।