काठमाडौं । मोहन वैध (किरण) नेतृत्वको नेकपा (क्रान्तिकारी माओवादी), धर्मेन्द्र बास्तोला नेतृत्वको नेकपा (बहुमत) लगायतका ५ साना वाम शक्तिहरुले भदौं २६ मा काठमाडौंमा विरोध प्रर्दशन र सभा गर्ने भएका छन् ।

एमसीसी संसदबाट अनुमोदन गर्नेदेखि नागरिकता विधेयक सम्म पारित गर्ने काम अहिलेको सत्ता गठबन्धन दलले गरेको र पपिछल्लो दिनमा देशको राष्ट्रिय स्वाधिनता नै संकटमा पदै जान थालेको भन्दै राष्ट्रिय स्वाधिनताको पक्षमा उनीहरुले आन्दोलनमा उत्रनुको विकल्प नभएको बताएका छन् ।

भदौं २० गते उनीहरुले संयुक्त विज्ञेप्ती प्रकाशित गरेर भदौं २६ मा काठमाडौंमा बृहत विरोध प्रर्दशन र सभा गर्ने जनाएका हुन् । नेकपा (क्रान्तिकारी माओवादी)का स्थायी समिति सदस्य सिपि गजुरेल, नेकपा बहुमतका संयोजक धर्मेन्द्र बास्तोला, ने.क.पा.(मसाल) राष्ट्रिय महाधिवेशन आयोजक समितिका संयोजक सन्तवहादुर नेपाली, नेपाल कम्युनिष्ट पार्टीका अध्यक्ष लोकनारायण सुवेदी र संयुक्त क्रान्तिकारी मोर्चा नेपालका प्रतिनिधी नारायण शर्माले वक्तब्य जारी गदै भदौं २६ को कार्यक्रम सार्वजनिक गरेका हुन् ।