पोखरा गोल्डकपको उपाधि सहारालाई

जावलाखेल युथ क्लबलाई हराउँदै आयोजक सहारा क्लबले २५औँ आहा रारा पोखरा गोल्डकप फुटबल प्रतियोगिताको उपाधि उचालेको छ।
आयोजक सहारा क्लबले १२ वर्षपछि आहा रारा पोखरा गोल्डकपको उपाधि जितेको हो। शनिबार पोखरा रगंशालामा भएको फाइनलमा सहाराले ‘ए’ डिभिजन क्लब जावलाखेल युथ क्लबलाई २-० गोल अन्तरले हराउँदै उपाधि हात पारेको हो।
खेलको पहिलो हाफमा १-० गोलले अग्रता बनाएको सहाराले दोस्रो हाफमा थप १ गोल गरेको थियो।
जितसँगै सहाराले १४ लाख रुपैयाँ हात पारेको छ। उपविजेता जावलाखेलले ७ लाख १ हजार रुपैयाँ पाएको छ।
प्रतियोगितामा ३ गोल गरेका प्लानिङ ब्वाइज युनाइटेडका पापा आइवौ केवे सर्वाधिक गोलकर्ता बने। उत्कृष्ट गोलरक्षक सहारा क्लबका टिकेन्द्र थापा बने। सहारा क्लबकै डाय डानियल उत्कृष्ट डिफेन्डर बने।
जावलाखेलका बौबोकार सिसोको उत्कृष्ट मिडफिल्डर, धर्वेन्द्र कुँवर उत्कृष्ट फरवार्ड बने। १२ वर्षपछि घरेलु टोलीलाई उपाधि दिलाउन सफल सुनिल रानामगर उत्कृष्ट प्रशिक्षक बने।
सहारा क्लबकै मुकुन्दकुमार निउरे उदीयमान खेलाडी बन्दा फेयर प्ले टिमको अवार्ड उज्वेकिस्तानको आभा एफसीले पाएको छ।
उनीहरू सबैले जनही २५ हजार रुपैयाँ पाए। प्रतियोगिताको सर्वोत्कृष्ट खेलाडी सहाराकै मुकुन्द कुमार निउरे बने, उनले टेलजीको स्कुटर प्राप्त गरेका छन्।
















निर्वाचन बिथोल्ने गतिविधि नगर्न वाइसिएलको आग्रह
अहिलेको चुनावले कुनै निकास नआउने भन्दै निर्वाचन पछि सार्न राजेन्द्र लिङदेनको प्रस्ताव
पोखरा गोल्डकपको उपाधि सहारालाई
आगामी निर्वाचनमार्फत देश र लोकतन्त्रले जित्नुपर्छ : पूर्वप्रमुख निर्वाचन आयुक्त
फागुन ७ गते बिहीबारकाे राशिफल, कस्ताे रहला तपाइकाे आजकाे दिन ?
टुँडिखेलमा प्रजातन्त्र दिवस (फोटो फिचर)
सुर्खेत पुगेर बालेनले भने – कर्णालीको गहिराइ कसैले बुझेन
केन्द्रीय सुरक्षा समितिको बैठक निर्वाचनमा केन्द्रीत
एमालेका नेता पूर्वमन्त्री मानन्धर कांग्रेसमा प्रवेश
प्रतिक्रिया