काठमाडौँ । केन्याविरुद्धको तेस्रो एक दिवसीय क्रिकेटमा नेपाल ६ विकेटले विजयी भएको छ । केन्याले दिएको २५६ रनको लक्ष्य पछ्याएको नेपाल ४७.१ ओभर खेल्दै ४ विकेट गुमाएर विजयी भएको हो ।

एक दिवसीय क्रिकेटको तेस्रो खेलमा केन्याले पूरै ओभर खेल्दै ९ विकेट गुमाएर २५५ रन बनाएको थियो । केन्याका लागि कोलिन्स ओबुयाले सर्वाधिक ८४ रन बनाए । लुकास डन्डासन ५९ रनमा नट आउट रहे भने सुखदेव सिंह ३७ रनमा आउट भए ।

बलिङमा नेपालका सोमपाल कामी र आदिल अन्सारीले समान दुई-दुई विकेट लिए । बसिर अहमद र शाहब आलमले एक-एक विकेट लिए ।

नेपालको जितमा ब्याटिङतर्फ आसिफ शेखले ५६ रन बनाएर आउट भए । यस्तै, अर्जुुन साउदले ५८ रन बनाउँदा ज्ञानेन्द्र कार्की ३३ रन बनाए । चौथो विकेटका लागि रोहित पौडेल ४२ र बसि अहमदले ५२ रन बनाए ।

नौरोवीस्थित जिमखाना रंगशालामा भएको खेलमा नेपाल ३-० को जित निकाल्दै सिरिज हात पारेको हो । नेपालले रोहितकुमार पौडेलको कप्तानीमा सिरिजमा एक तर्फी कब्जा गरेको हो ।