काठमाडौँ । साफ यू १७ च्याम्पियनसिप फुटबलमा नेपालले भारतलाई हराएको छ । योसँगै नेपाल समूह विजेता बनेको छ ।

शुक्रबार भएको खेलमा नेपालले भारतलाई ३-१ गोल अन्तरले हराएको हो । श्रीलंकाको कोलम्बोस्थित रेस कोर्स ग्राउण्डमा नेपालको जितमा सरोज दर्लामी, उनेश बुढाथोकी र सुवास बमले एक-एक गोल गरेका हुन् ।

भारतले लिएको सुरुवाती अग्रतालाई उल्टाउँदै नेपालले जित निकाल्दा समूह विजेता बनेको हो । नेपालको लागि खेलको २५ औँ मिनेटमा ड्यानी मेइटीले गोल गर्दै भारतलाई अग्रता दिलाए । नेपालका लागि खेलको ४५ औँ मिनेटमा सरोज दर्लामीले गोल गर्दै टिमलाई १-१ गोलको बराबरीमा ल्याए ।

४९ औँ मिनेटमा उनेशले गोल गर्दै नेपाललाई २-१ को अग्रता दिलाउँदा ६८ औँ मिनेटमा सुवासले गोल गर्दै नेपाललाई ३-१ ले विजयी भएको हो ।

नेपालले २ खेलबाट ६ अंक जोडेर समूह ‘बी’को शीर्ष स्थानमा रहँदै सेमिफाइनलमा प्रवेश गरेको छ ।