काठमाडौँ । कञ्चनपुर पुनर्वास नगरपालिका ५ बस्ने ३४ वर्षीय बलबहादुर बोहराको आइतबार दिउँसो करेन्ट लागेर मृत्यु भएको छ ।

सोही ठाउँस्थित थापा पावरोटी फ्याक्ट्रीमा काम गर्ने क्रममा करेन्ट लागेर बेहोस भएका उनको मायामेट्रो अस्पतालमा उपचारको क्रममा मृत्यु भएको हो ।

यस्तै, बर्दियाको राजापुर नगरपालिका ८ भोगपुर बस्ने ३२ वर्षीया अस्माली थारुको करेन्ट लागेर सोमबार बिहान मृत्यु भएको छ । उनकै सासु ५० वर्षीया लालमति थारुले घरको आगनमा घर र काठको खम्बामा बाँधेको ग्याबिनको तारमा कपडा सुकाउँदा करेन्ट लागेको थियो ।

घटनामा लालमतिको नातिनी ७ वर्षीया श्रीषा थारुले छुटाउन खोज्दा तीनै जनालाई करेन्ट लागेर घाइते भएका छन् । उनीहरुको उपचार लागि नर्सिङहोम नेपालगञ्ज लगिएकोमा अस्मालीको उपचारको क्रममा मृत्यु भएको हो ।

यस सम्बन्धमा प्रहरीले थप अनुसन्धान गरिरहेको छ ।