काठमाडौं । दाङको देउखुरीमा मोटरसाइकल दुर्घटना हुँदा दुई सशस्त्र प्रहरीको मृत्यु भएको छ ।

पूर्वपश्चिम राजमार्गअन्तर्गत राप्ती गाउँपालिका ३ मुसरियामा शुक्रबार राति लु ४० प ४९२२ नम्बरको मोटरसाइकल दुर्घटना हुँदा मोटरसाइकलमा सवार सशस्त्र प्रहरी बलज्वालामाई गण भालुवाङमा कार्यरत दुई सशस्त्र प्रहरीको मृत्यु भएको हो ।

मृत्यु हुनेमा राप्ती गाउँपालिका ६ का सुलेश चौधरी र लमही नगरपालिका १ का लहानु चौधरी रहेका छन् । लहानुको घटनास्थलमै र सुलेशको उपचारका लागि कोहलपुर लैजाने क्रममा बाटोमा मृत्यु भएको सशस्त्र प्रहरी बल ज्वालामाई गण भालुवाङका प्रमुख सशस्त्र प्रहरी उपरीक्षक बिनोद केसीले जानकारी दिए ।

लगातारको वर्षाका कारण देउखुरीका विभिन्न ठाउँमा डुबानमा परेका नागरिकको उद्धारमा खटिएर गणमा फर्किने क्रममा उक्त दुर्घटना भएको भएको केसीले जानकारी दिए ।