काठमाडौँ । पर्साबाट प्रहरीले २८ लाख ५६ हजार भारतीय रुपैयाँसहित तीन जना महिलालाई पक्राउ गरेको छ । पक्राउ पर्नेमा सबै नेपाली नागरिक रहेका छन् ।

प्रहरीका अुनसार पक्राउ पर्नेमा नुवाकोटका ४५ वर्षीया अनिता तामाङ, ३० वर्षीया मञ्जु तामाङ र ४४ वर्षीया सरिता अग्रवाल रहेका छन् ।

भारतको रक्सौलबाट वीरगञ्जतर्फ आइरहेका उनीहरुलाई प्रहरीले नियन्त्रणमा लिएर खानतलासी गरेको थियो । अनिताको साथबाट दुई हजार दरका ५५ थान र पाँच सय दरका ५ हजार ३८० थान भारतीय रुपैयाँ बरामद भएको थियो ।

यस्तै, मञ्जुको साथबाट पाँच सय दरका ११२ थान थान फेला परेको प्रहरीले जनाएको छ । पाँच सय दरको भारतीय नोट प्रतिबन्धित छ ।