पोखरा । नवौं राष्ट्रिय खेलकुदअन्तर्गत सटपुटमा नेपाल आर्मीका तिलक विक र नेपाल पुलिसकी चन्द्रकला लामगादेले स्वर्ण जितेका छन् ।

त्रिभुवन आर्मी क्लबका तिलकले १२‍.८५ मिटर फाल्दै पुरुषतर्फ स्वर्ण जितेका हुन् । पुरुषतर्फ आर्मीकै चत्रबहादुर वलीले रजत र बागमती प्रदेशका ललित यादवले कास्य जितेका छन् ।

यस्तै, महिलातर्फ चन्द्रकलाले १४.४० मिटर फाल्दै स्वर्ण जितेका हुन् । महिलातर्फ लुम्बिनी प्रदेशकी संगिता अधिकारीले रजत र नेपाल पुलिसकी बसन्ती चौधरीले कास्य जितिन् ।