सिस्नु । ट्वान्टी-२० विश्वकपमा भारतले दोस्रो जित निकालेको छ । बिहिबार भारतले नेदरल्यान्ड्सलाई ५६ रनले पराजित गरेको छ । भारतले लगातार दोस्रो जित निकालिरहँदा डच टिमको पनि यो लगातार दोस्रो हार हो ।

जितका लागि १ सय ८० रन पछ्याएको नेदरल्यान्ड्सले नौ विकेटमा १ सय २३ रन मात्र बनाउन सक्यो । उसका लागि कसैले पनि गतिलो योगदान दिन सकेनन् । टिम पिन्जलको २० रन नै सर्वाधिक ठूलो स्कोर रह्यो ।

यसअघि पहिले ब्याटिङ गरेको भारतले दुई विकेट गुमाएर १ सय ७९ रन बनाएको थियो । त्यसमा तीन ब्याटरले अर्ध शतक बनाएका थिए ।

यो जितले भारतको सेमिफाइनल पुग्ने सम्भावना बलियो भएको छ ।