काठमाडौँ । नेपाली ट्रेडलाई डिजिटाइज गर्ने तथा स्थानीय उत्पादनलाई प्रोत्साहन गर्ने दीर्घ कालीन लक्ष्यका साथ ‘जे चाहिन्छ, त्यही पाइन्छ’ भन्ने नारासहित सञ्चालित बिज बजारले बडा दसैँ, दीपावली, नेपाल संवत्, ल्होसार, छठ लगायत चाडमा ल्याएको ‘बिज बजार भव्य उत्सव” नामक योजनाको विजेता घोषणा गरेको छ ।

जसअन्तर्गत बिज बजारले सबै वर्गका सेवाग्राहीका लागि विभिन्न क्याटेगोरिजका सामान खरिद गर्दा ७८ प्रतिशतसम्म छुटसहित बम्पर उपहारसमेत समावेश गरेको थियो । बिज बजारले सिस्टममा आधारित लक्की ड्र मार्फत बम्पर उपहारका विजेताहरूको घोषणा गरेको हाे ।

जसअन्तर्गत पहिलो बम्पर उपहार एम ६५” अल्ट्रा ४के टिभी र एमआइ साउण्ड बार अविशा शर्माले प्राप्त गरेकी छन् । यसैगरी दोस्रो बम्पर उपहार रियलमी ९ प्रो प्लस ५जीको विजेता रचना सापकोटा बनेकी छन् भने तेस्रो बम्पर उपहार सामसङ सिंगल डुअर रेफ्रिजेरेटर १९२ एल सविन श्रेष्ठले हात पारेका छन् ।

कम्पनीले रोमाञ्चक र आकर्षक योजनाहरू एवं विविध उपहारका साथ प्रत्येक महिनाको २० गते सञ्चालन गर्ने “२० मा बिज” नामक क्याम्पेनिङअन्तर्गतको कार्तिक महिनाको तयारी पूरा हुन लागेको जनाएको छ ।