काठमाडौं । ब्राजिल विश्वकप फुटबलको नकआउट चरणमा प्रबेश गरेको छ । कतारमा जारी विश्वकप फुटबलमा स्विट्जरल्याण्डलाई १-० गोलले पराजित गर्दै ब्राजिल नकआउट चरणमा पुगेको हो ।

ब्राजिलको नकआउट प्रबेशको लागी खेलाडी क्यासिमेरोले खेलको ८३ औं मिनेटमा गोल गरेर ब्राजिललाई जितको लागी निर्णयक गोल गरेका थिए ।

समुह चरणमा यस अगाडिनै ब्राजिलले सर्बियालाई पराजित गर्दै ३ अक बनाएको थियो । स्विट्जरल्याण्डविरुद्ध खेल पनि जित्दै ब्राजिलले ६ अकसहित समुहबाट नकआउट प्रबेश गरेको हो ।

खेलको पहिलो हाफ बराबरीमा सकिएको थियो। तर दोस्रो हाफमा क्यासिमेरोले रोड्रिगोको पासमा गोल गर्दै टोलीलाई जित दिलाउन सफल भएको हो ।

ब्राजिल स्टार फरवार्ड नेयमारविना मैदान उत्रेको थियो । चोटका कारण नेयमारले केही खेल गुमाउने छन्। 

आजको जित निकालेको ब्राजिल अर्को एक खेल अघि नै नकआउटमा सुरक्षित भएको हो ।

अर्को स्थानका लागि तीन टोलीबिच प्रतिस्पर्धा हुने छ।  स्विट्जरल्याण्ड ब्राजिलसग पराजित भए पनि उसको पनि ३ अक छ । जसका कारण ब्राजिलसँग पराजित स्विटजरल्याण्डसको पनि अघिल्लो चरण प्रवेशका लागि सम्भावना कायम छ। 

यहि समूहका क्यामरुन र सर्वियाले १-१ को बराबरी खेलेका छन्। दुबैको समान एक अंक छ।