काठमाडौँ । एलन मस्कको कम्पनी ट्विटरले आजदेखि आफ्नो ब्लु टिक सब्सक्रिप्सन सर्भिस फेरि सुरु गर्ने भएको छ । ट्विटरले आइतबार नै यसको जानकारी गराइसकेको छ ।

ट्विटरका अनुसार १२ डिसेम्बर (आज) आफ्नो ब्लु सब्सक्रिप्सन सेवा पुनः सुरु गर्नेछ । यसको मूल्य एन्ड्रोइड युजरका लागि ८ अमेरिकी डलर र आइफोन युजरका लागि ११ डलर प्रति महिना तोकिएको छ । मस्कले आइफोन युजरका लागि ट्विटर ब्लू सब्सक्रिप्सन सेवाको मूल्य बढाएका हुन् । 

एप्पलले ३० प्रतिशत आईओएस एपबाट पैसा असुल्ने गरेको कारण देखाउँदै मूल्य बढाएको ट्विटरको तर्क छ । ट्विटर बिजनेस एकाउण्ट र सरकारी एकाउण्टका लागि अलग्गै चेकमार्क ल्याउने तयारीमा छ ।