काठमाडौँ । कतारमा जारी फिफा विश्वकप फुटबलमा आज तेस्रो स्थानका लागि मोरोक्को र क्रोएसियाको खेल सुरु भएको छ ।

तेस्रो स्थानका लागि प्ले अफमा मोरक्को र क्रोएसियाको खेल भएको हो । खालिफा अन्तराष्ट्रिय स्टेडियममा खेल हुँदै छ ।

प्रतियोगिताको फाइनल खेल भोलि हुने छ । फाइनलमा फ्रान्स र अर्जेन्टिना भिड्ने छन् ।

अफ्रिकी राष्ट्र मोरक्को सेमिफाइनलमा साविक विजेता फ्रान्ससँग २–० ले पराजित भएको थियो । यस्तै, युरोपियन तथा साविक उपविजेता क्रोएसियालाई अर्जेन्टिनाले ३–० ले हराएको थियो ।