काठमाडौं । फ्रान्सका प्रशिक्षक डीडीएर डेस्च्याम्प्सले तगातार उपाधि जिताउने दोस्रो प्रशिक्षक बन्ने सुरमा देखिन्छन् । सन् २०१८ मा डेस्च्याम्प्सको प्रशिक्षकमा फ्रान्सले उपाधि जितेको थियो ।

उनी अब लगातार दुई पटक उपाधि जिताउने दोस्रो प्रशिक्षक बन्ने सुरमा छन् । आईतबार (आज) अर्जेन्टिना र फ्रान्सबीच कतार फिफा विश्वकप फाईल खेल हुदैछ ।

‘मलाई थाहा छ अर्जेन्टिना मात्र होइन विश्वभर नै धेरैको चाहना मेस्सीले विश्वकप जितुन् भन्ने छ । हुनसक्छ यसमा फ्रान्सकै केही पनि छन् । तर हामी आफ्नो लक्ष्य पूरा गर्न आएका हौं ।’ डेस्च्याम्प्सले भने,’मलाई खेलबारे कुनै चिन्ता छैन । महत्त्वपूर्ण खेलको तयारी गर्दा ध्यान केन्द्रित गर्न जरुरी छ । म त्यसमा ध्यान दिइरहेको छु ।’

फ्रान्समा केही खेलाडी बिरामी परेपछि टोली समस्यामा थियो । सेमिफाइनलमा दुई खेलाडी गुमाएको फ्रान्सका लागि त्यसयता ५ खेलाडीले प्रशिक्षण गुमाएका थिए । तर शनिबार सबै प्रशिक्षणमा सहभागी भएको डेस्च्याम्प्सले जानकारी दिए ।
फाइनलअघि फ्रान्सका फरवार्ड करीम बेन्जेमा टोलीमा फर्कने चर्चा चलेको थियो ।

टोली कतार आएपछि चोट बोकेर फर्केका उनको नाम भने अझैपनि टोलीमा छ । तर प्रशिक्षक डेस्च्याम्प्सले उनी फर्कने कुनै सम्भावना नरहेको बताए ।
घाइते खेलाडीबारे बारम्बार कुरा गर्नु राम्रो होइन । अब खेल हेर्न को आउँछ भन्ने मेरो नियन्त्रणमा रहेन । मेरो लागि फाइनल खेल्न २४ खेलाडी उपलब्ध छन् भन्नेमा प्रष्ट छु,’ डेस्च्याम्प्सले भने ।