काठमाडौँ । फिलिपिन्सको राजधानीमा आइतबार बिहान दुई तले घरमा आगलागी हुँदा कम्तीमा सात जनाको मृत्यु भएको छ ।

आगलागी स्थानीय समयअनुसार बिहान ९ बजे लागेको अग्निनियन्त्रक युजिन ब्रियोनेसले बताए ।
प्रारम्भिक अनुसन्धान उद्धृत गर्दै ब्रिओन्सले बताएअनुसार घरमा १० जनाको परिवार बसोबास गर्ने गरेको बुझिएको छ ।

उनका अनुसार अग्नि नियन्त्रकहरूले बेपत्ता भएका अन्य तीन जनाको खोजी गरिरहेका छन् । आगलागी हुँदा उनीहरु घरबाहिर थिए वा थिएनन् भन्ने यकिन हुन सकेको छैन ।

आगो लाग्दा पीडितहरू निदाएकाले भाग्न नसकेको भएको ब्रिओन्सले बताएका छन् । आगलागी के कारणबारे अनुसन्धान भइरहेको छ ।