काठमाडौँ । फिफा विश्वकप २०२२ मा फ्रान्सविरुद्ध अर्जेन्टिनाले पहिलो हाफमा २–० गोलले अग्रता बनाएको छ । कतारको लुसेल स्टेडियममा अर्जेन्टिनाले अग्रता बनाएको हो ।

खेलको २३ औँ मिनेटमा कप्तान लियोनल मेसीले पेनल्टीमार्फत पहिलो गोल गरेका हुन् । यस्तै, ३५ औँ मिनेटमा एञ्जल डी मारियाले आफ्नो टोलीको अग्रता दोब्बर बनाएका हुन् ।

खेलको २१ औँ मिनेटमा अर्जेन्टिनाका डी मारियालाई फ्रान्सको पेनल्टी बक्समा फ्रान्सका ओस्मान डेम्बेलेले लडाएसँगै अर्जेन्टिनाले पेनाल्टी पाएको हो ।

जसमा लियोनल मेसीले २३ औँ मिनटमा पेनाल्टीमार्फत गोल गरेका हुन् । यो गोलसँगै मेसीले जारी प्रतियोगितामा सबैभन्दा धेरै ६ गोल गरेका छन् ।