काठमाडौँ । विद्युतीय माध्यमद्वारा भुक्तानी प्रोत्साहन गर्ने उद्देश्यले एनएमबि बैंक र फोनपेको सहकार्यमा मनकामना बजार पूरै डिजिटल बनाउने भएको छ ।

शुक्रबार क्यूआरमार्फत मन्दिरमा भेटी दान गर्दै नेपाल राष्ट्र बैंकका कार्यकारी निर्देशक गुरु प्रसाद पौडेल, एनएमबि बैंकका प्रमुख कार्यकारी अधिकृत सुनिल केसी र फोनपेका प्रमुख कार्यकारी अधिकृत दिवस सापकोटाले यस्तो अभियानको सुरुवात गरेका हुन् ।

मनकामना मन्दिर परिसरमा पुजा सामाग्री, फलफूल, रेस्टुरेण्टलगायत व्यवसायको भुक्तानी साथै मन्दिरमा भेटी दानसमेत विद्युतीय माध्यमबाट गर्न सकिने भएको छ । बैंकले हाल देशभरि २०१ शाखा, १३८ एटिएम र ११ एक्सटेन्सन काउन्टरमार्फत बैंकिङसेवा प्रदान गर्दै आइरहेको छ ।