काठमाडौँ । नेपाल टी २० लिग क्रिकेट प्रतियोगिताको नयाँ कार्य तालिका सार्वजनिक भएको छ । आयोजकका अनुसार प्रतियोगिताको फाइनल जनवरी ११ तारिखमा हुने भएको छ ।

कीर्तिपुर मैदानमा शनिबार हुने उद्घाटन खेलमा काठमाडौँ नाइट्स र पोखरा एभेन्जर्सबीच प्रतिस्पर्धा हुने भएको छ । डबल लिग राउण्ड रोबिनपछि शीर्ष दुई स्थानमा रहने टोलीबीच फाइनलमा प्रवेशका लागि खेल हुने छ ।

यसअघि प्रतियोगिता आजदेखि सुरू हुने भनिए पनि प्राविधिक तयारी नपुगेपछि एक दिनपछि सारिएको हो ।