काठमाडौँ । बुटवल पावर कम्पनी लिमिटेडले लाभांश घोषणा गरेको छ । कम्पनीको बिहीबार बसेको सञ्चालक समिति बैठकले आर्थिक वर्ष २०७८–०७९ को खुद मुनाफाबाट आफ्ना शेयर धनीका लागि १२.५० लाभांश वितरण गर्ने भएको छ । 

समितिको बैठकले ५ प्रतिशत बोनस सेयर र ७.५ प्रतिशत नगद लाभांश करसहित लगानीकर्तालाई उक्त बोनस शेयर वितरण गर्ने प्रस्ताव गरेको हो । 

कम्पनीको वार्षिक साधारणसभामा प्रस्ताव पेस गर्ने निर्णय गरेको छ । सभा, कार्की ब्याङ्क्वेट, काठमाडौंमा बिहान ११ बजे सुरु हुनेछ । 
सभा प्रयोजनका लागि कम्पनीले पुस १८ गतेदेखि पुस ३० गतेसम्म बुक क्लोज गर्ने भएको छ ।

तसर्थ, पुस १७ गतेसम्म कायम रहने सेयर धनीले मात्र सभामा भाग लिन र प्रस्तावित लाभांश पाउन सक्ने छन् ।