काठमाडौँ । कुमारी बैंक र नेपाल क्रेडिट कमर्स बैंक (एनसीसी) पुस १७ गतेबाट एक आपसमा मर्जर भएर एकीकृत कारोबार सुरु गर्ने भएका छन् ।

नेपाल राष्ट्र बैंकले पुस ६ र कम्पनी रजिष्ट्रार कार्यालयले पुस ८ गते एकीकृत कारोबार गर्न अन्तिम स्वीकृति दिइसकेको हो । साथै दुवै बैंक एक भएपछि एकीकृत कारोबार भने कुमारी बैंकको नामबाट हुने सूचनामार्फत जनाएको छ ।

दुवै बैंकलाई एक आपसमा मर्ज हुने प्रस्ताव गत मंसिर २५ गते सम्पन्न विशेष साधारण सभाले पारित गरेको थियो । दुवै बैंकले विभिन्न शाखाबाट प्रदान गर्दै आइरहेको बैंकिङ सेवाहरू पुस १५ र १६ गते सार्वजनिक बिदा रहेकाले सो दिन सबै सेवाहरु बन्द रहने बैंकले जनाएको छ ।