सुआरेज ब्राजिली क्लबमा अनुबन्धित

काठमाडौं । उरुग्वेका भेट्रान फरवार्ड लुइस सुआरेजले ब्राजिली सिरी ‘ए’ क्लब ग्रेमियोमा अनुबन्धित भएका छन् । ग्रेमियोले सुआरेजलाई फ्रि ट्रान्सफरमा २ वर्षको लागि क्लबमा अनुबन्ध गरेको हो ।
अब उनी सन् २०२४ को अन्त्यसम्म ग्रेमियोमा हुनेछन् । ३५ वर्षीय सुआरेजले कागजी र मेडिकल प्रक्रिया पुरा गरेपछि ग्रेमियोले उनलाई क्लबमा सार्वजनिक गरेको हो । उनले ग्रेमियोमा आफ्नो फेवरेट ९ नम्वरकै जसी लगाउनेछन् ।
डच क्लब आयाक्स, इंग्लिस क्लब लिभरपुल, क्याटलान क्लब बार्सिलोना र स्पेनिस क्लब एट्लेटिको मड्रिडका पुर्व फरवार्ड सुआरेजले पछिल्लोपटक आफ्नो पुर्व क्लब नेसियोनलका लागि खेलेका थिए ।
नासियोनलमा दोस्रो सत्रमा तीन महिना बिताएका उनले त्यहाँ रहँदा टोलीलाई उरुग्वेन च्याम्पियनसिप जिताउँदा १६ खेलमा ८ गोल गरे ।
ग्रेमियोको सन् २०२३ को पहिलो खेल १७ जनवरीमा साओ लुइजसँग हुनेछ । त्यही खेलबाट नै सुआरेजले ब्राजिली सिरी ‘ए’ मा डेब्यु गर्ने सम्भावना छ । पोर्टो एलेग्रे सहरमा रहेको ग्रेमियो गत नोभेम्बरमा सकिएको ब्राजिली सिरी बी’ बाट बढुवा भएको क्लब हो ।
‘ग्रेमियोमा यो सुन्दर चुनौतीको लागि तयार छु । म त्यहाँ आउन र यसको आनन्द लिन पाउँदा उत्साहित छु ।’ सुआरेजले ट्वीट गरेका छन् ।
सुआरेजले आयाक्सबाट १५९ खेलमा १११ गोल, लिभरपुलबाट १३३ खेलमा २ गोल, बार्सिलोनाबाट २३ खेलमा १९८ गोल र एट्लेटिको मड्रिडबाट ८३ खेलमा ३४ गोल गरेका छन् ।
सुआरेजले गत डिसेम्वरमा सम्पन्न फिफा विश्वकप कतार २०२२ मा समूह चरणको तीनै खेल खेलेपनि गोल गर्न सकेनन् । उरुग्वे समूह चरणबाटै बाहिरिएको थियो । सन् २००७ देखि उरुग्वेको टोलीमा रहेका सुआरेजले १३७ खेलमा ६८ अन्तर्राष्ट्रिय गोल गरेका छन् ।









मल्कवाङमा पहिलो पटक बस पुग्यो
गैरआवासीय नेपाली सङ्घको एकता कोशेढुङ्गा सावित हुनेछः प्रधानमन्त्री कार्की
पाकिस्तानी दूतावासको सहयोगमा ज्ञानोदयमा कम्प्युटर प्रयोगशाला निर्माण
मल्कवाङमा पहिलोपटक बस पुग्यो
कुनै धर्म वा समुदायलाई होच्याउने मेरो आशय र नियत होइनः प्रधानमन्त्री
प्रेस काउन्सिलले मेरो न्यूजलाई पत्र काटेकोमा काउन्सिलकै सदस्यकाे फरक मत
सेना परिचालन गर्न राष्ट्रपतिको स्वीकृति
पोखराको पहिलो जित, साविक विजेता जनकपुर फेरि निराश
प्रधानमन्त्रीसँग छलफल गर्न एमाले नेताहरु बालुवाटारमा
आज मंसिर १२ गते शुक्रबार, कस्ताे रहला तपाइकाे राशिफल ?
प्रतिक्रिया