काठमाडौँ । पूर्वी प्रजातान्त्रिक गणतन्त्र कंगोको दुई अस्थायी खानीमा भीषण वर्षापछि आएको पहिरोमा परी कम्तीमा १० जनाको मृत्यु भएको स्थानीय अधिकारीले शनिबार बताएका छन् ।

दक्षिण किभ प्रान्तको फिजी एन्क्लेभमा बिहीबारदेखि शुक्रबार रातिको भारी वर्षापछि यो प्रकोप आएको स्थानीयहरूले बताएका छन् ।

पहिरोले सो क्षेत्रका दुईवटा सुन खानी स्थलमा क्षति पुगेको छ । अस्थायी खानीका १० जनाको मृत्यु, नौ जना घाइते, र बेपत्ता छन् । अधिकांश पीडित कारिगर खानीका रहेका बताइएको छ । दुई खानी साइटहरूमा बारम्बार पहिरो आउने गरेको बताइएको छ ।

दश जनाको मृत्यु भएको पुष्टि भएको र अन्य शव निकाल्ने खोजी टोलीले प्रयास गरिरहेको स्थानीय रेडक्रसका अधिकारी ओनेसफोर काबन्डिल्वाले बताए । अन्य शव निकाल्न खोजी टोलीले प्रयास गरिरहेको उनले बताएका थिए ।

डिसेम्बरको मध्यमा, मुसलधारे वर्षाको कारण आएको बाढीले देशको पश्चिममा रहेको राजधानी किन्शासामा १६० भन्दा बढी मानिसको ज्यान गएको जनाइएको छ ।