काठमाडौँ । नेपाल धितोपत्र बोर्डबाट मर्चेण्ट बैंकर, डिपोजिटरी, योजना व्यवस्थापक तथा विशिष्टिकृत लगानी व्यवस्थापन गर्न इजाजत पत्र प्राप्त संस्थाहरूको हकहित तथा नेपालको पुँजी बजारको विकास र संवद्र्घन गर्न नेपाल मर्चेण्ट बैंकर संघका पदाधिकारीले अर्थ मन्त्रीसँग भेट गरेका छन् ।

संघका पदाधिकारीले बुधबारका अर्थ मन्त्रालयको कार्यालय सिंहदरबारमा पुगेर अर्थ मन्त्री विष्णु पौडेलसँग भेटवार्ता गरेका हुन् । यस क्रममा उनीहरूले अर्थ मन्त्री पौडेललाई बधाइ दिँदै सफल कार्यकालको शुभकामना दिएका थिए ।

भेटमा अर्थ मन्त्रीसमक्ष मर्चेण्ट बैंकर संघले नेपालको अर्थतन्त्रको वर्तमान अवस्था तथा अर्थतन्त्रका सम्बन्धमा मर्चेण्ट बैंकरले खेल्न सक्ने भूमिकाका सम्बन्धमा विवरण पेश गरिएको थियो ।